The Why Not Gallery დაარსდა 2017 წელს ორი მეგობრის, ხელოვან გვანცა ჯიშკარიანის და კურატორ ელენე კაპანაძის მიერ. გალერეის შექმნის მიზანი იყო, რომ მხარი დაეჭირა ახალგაზრდა ქართველი ხელოვანებისთვის და წარედგინა ისინი ფართო აუდიტორიებისთვის.

გალერეა შეიქმნა როგორც ექსპერიმენტი და ახალისებს ყველანაირ ექსპერიმენტაციასა და კრეატიულ მცდელობას. გუნდი მუშაობს, რომ წარმოადგინოს ხელოვნება, რომელიც თანამედროვეობას ასახავს - აქვს ძლიერი სათქმელი და ეხება რელევანტურ დისკუსიებს.  

გალერეის პირველი ლოკაცია იყო ვიტრინა თბილისის ცენტრში, მიწისქვეშა გადასასვლელში. ხალხმრავალი მიწისქვეშა გადასასვლელი, სავსე ტანსაცმლის მაღაზიებით, პლასტმასის იაფი ნივთებით, რელიგიური აქსესუარებით, ბოსტნეულის და ხილის დახლებით, ყველაზე მოულოდნელი ადგილი იყო თანამედროვე ხელოვნების სანახავად. თუმცა ძალიან შესაფერისი იყო ქალაქისთვის, სადაც მუზეუმები მავზოლეუმებს გავს და ფართო საზოგადოებას ნაკლებად აინტერესებს თანამედროვე ხელოვნება. ეს იყო მცდელობა ხელოვნება განთავისუფლებულიყო ელიტისტური კონოტაციებისგან და შემოჭრილიყო ბანალურ ყოველდღიურობაში.

გალერეის არსებობის მეორე წელს, იგი ნომადურ გალერეად გადაიქცა და მიზნად დაისახა ერთმანეთის მხარდაჭერისა და პარტნიორული კავშირების გაძლიერებაზე გაემახვილებინა ყურადღება. ამ ფორმატში გალერეამ სამი გამოფენა გააკეთა და გახსნა პირველი პერმანენტული სივრცე თბილისის ცენტრში.

​2019 წელს გალერეამ დაიწყო პროექტი The Why Not Gallery Gift Shop, რის ფარგლებშიც იგი პარტნიორობს სხვადასხვა ქართველ ხელოვანებთან და მათთან კოლაბორაციაში აწარმოებს ლიმიტირებული რაოდენობის ნივთებს, ძირითადად სახლის დეკორატიულ პროდუქტებს. პროექტის მიზანია პოპულარიზაცია გაუკეთოს ახალგაზრდა ხელოვანებს, გაუჩინოს მათ დამატებითი შემოსავლის წყარო და გალერეას მისცეს საშუალება დააფინანსოს საკუთარი საგამოფენო პროგრამა.

The Why Not Gallery Gift Shop თანამშრომლობს ქართველ მხატვრებთან და მათთან კოლაბორაციაში აწარმოებს შეზღუდული რაოდენობის პროდუქტებს, რომლებიც ინსპირირებულია მათი ხელოვნებით. ეს ნივთები ძირითადად სახლის დეკორატიული პროდუქტებია, რომლებიც ყოველთვის მიმზიდველია ვიზუალურად და ძალიან კარგი ხარისხისაა. საჩუქრების მაღაზია ხელს უწყობს მხატვრებს, ქმნის ექსკლუზიურ ნივთებს და აჩენს შემოსავლის დამატებით წყაროს ხელოვანებისთვის.

  • YouTube
  • Instagram
  • Facebook
unnamed.png